Ajeeb kashmakash mein hoon main. . .samajh nahi aata ki samjhoon toh kya. . .zindagi ke bahut hi kam rishte hain jinke gatth par purn vishwaas hai :) meri stithi toh vaakai mein daya karne laayak hai. . .aur yeh koi garv ki baat nahi. . .mann main har waqt manthan chal raha hai. . .haan yeh acchi baat hai. . .soch vichaar karna hameshaa accha hota hai. . .vishay chahe jo bhi ho :) aur jab zindagi se samjhota (mujhe samjhota bilkul pasand nahi. . .isliye us mein se ubhar ne ki koshish kar rahi hoon :) ) karne lagi thi, tab ek chhoti si baat meri nazar mein padi aur phir apne un kacche rishton par sawaal utthne lage. . .kya woh waakai mein toot gaye hai? Par dil kabhi jhoot nahi bolta :) aur apne dil ka jawaab jaanti hoon main :) par kuch toh baat hai jo ab bhi khatak rahi hai. . .us sawaal ka jawaab ko khair waqt hi dega :) kabhi hum ummeed ka diya jalaakar khud ko dilaasa dete hain. . .aur kabhi gham ke vishaal kooain mein kood padte hai. . .khair, itna imtehaan liya gaya hai mera, toh thoda aur hi sahi. . .

:) zindagi ke raah par mile kuch ujhle kiran :) woh aaye, apni roshni barsaakar, aage ke raaste ko dikhaakar gaye :) aur phir gaye :) woh kab aate hai, kab jaate hai, yeh koi na jaane :) par iska hum par kya prabhaav padhta hai, yeh toh hum par nirbhar hai :) humaari manostithi par, aur is baat par nirbhar hai ki hum kahaan khade hain :) beech raaste hain, ya kisi mod par khade hain, ya phir ek naya safar shuru hone ko hai :) aur phir humaare andar ki shakti par nirbhar hai. . .kuch log bhagyashaali hain ki unke ghammein unke saathi unhe sahaara dete hai, kuch log apni ladaaimein akele hoti hain, khair sochne waali baat toh yeh hai. . .kya toote hue atma vishwaas ko phir se samet sakte hain hum, kya dil par keeche gaye lakeeron ko mitta sakte hai hum. . .mitta nahi sakte toh kya unhe bhar sakte hai hum? :) Shaayad haan, aur shaayad nahi, par koshish toh kar hi sakte hain :)  insaan tab nahi haarta jab uski koshish asafal hoti hai, insaan tab haarta hai jab woh koshish karna chhod deta hai :) zindagi ki yeh hi toh hai maaya, kabhi dhoop kabhi chhaaya :) dard mittaaya ja sakta hai :) aur isme waqt lagta hai :) har cheez ki apna kaal hota hai :) sab kaam sahi waqt aane par hota hai :) har musibat mein koi bhalaai toh chhupi hoti hai :) aur raat kitni bhi lambi aur gehri kyun na ho, har saanj ka savera hota hai :) yeh baatein sirf kehne ki nahi :) sach mein in baaton par yakeen karti hoon :) aur dheere dheere gham ke kaale baadal hatt te nazar aa rahe hain mujhe :) is dukh mein jo bhalaai chhipi thi woh bhi dikh chuki hai mujhe :) bas ab mann mein shraddha ka bhaav le kar chalte hi jaana hai :)