Amanush

Ek ummeed lekar aaye
Ghar dwaar inke, par
Swagat toh na kiya lekin
Haq jataaya hum par

Shuruwaat mein thi chhoti
Phir badd gaye shikwe gile
Ek aankh nahi bhaate unko
Jab bhi hum unse mile

Mile aise log
Kutte, kaminey, khudgarz
Sab bhulaaya, sab kiya maaf
Samajh kar apna farz

Socha waqt denge unhe
Aakhir woh bhi hain insaan
Yehi toh galti hui humse
Nikle woh haiwaan

Saanp bahut dekhe jeewan mein
Lekin itne zehreeley nahin
Darti hoon waqt aane par apne
Bacchon ko dass na jaaye kahin

Buddhi bhrasht hui meri
Jo inko samajhne chali
Inse pyaar kiya, inka saath diya
Pal pal chaddhakar apni bali

Ab bas, ab bahut hua
Rishta toda, toda saath
Aur zalil nahi hona
Ab apni izzat apne haath