Problems kise nahin hoti? Sabko hoti hai. . .to isme kaunsi badi baat hai? Girna? Sambhalna? Nahi. . .hum jaante hai ki hamein girna hai, aur yeh bhi jaante hai ki kuch haalaton mein hamein koi dhakka dekar girane waale hai, to hum uske liye bhi tayyaar hote hai. . .lekin har baar girne par chot to lagti hi hai. . .aur zakhm chahe naye ho ya purane, taqleef to hoti hi hai. . .chot lagne ki hamein kitni bhi aadat kyu na ho gayi ho, lekin har baar dukh hota hai. . .shaayad isi liye har baar kisi apne ke chot pahuchaane par ro padti hoon. . .

Aise haalaton mein insaan kya karta hai? Kuch log apna dukh kisi ke saath baanthte hain, kuch apne hi andar use dabaate hai, kuch askhon se unhe dhote hai, aur hum mein se kuch bahut badi galti kar baethte hai. . .apni bhadaas hum kisi aur par nikaalte hai. . .ek aise insaan par jo humare bahut kareeb hota hai. . .ek aisa insaan jo us ghusse ka haqdaar nahi hota. . .aur woh baat us insaan ka dard ban jaata hai, aur is tarah dard ka ek maano chakravyuh sa ban jaata hai. . .aap mein se har koi jo mere is lekhan to padh raha hai, aap sab se ek hi binti hai. . .bhale hi aapko meri kahi hui koi bhi baat pasand na aayi ho, lekin meri is baat par zaroor ghaur ki jiyega. . .kabhi bhi apna ghussa ek aise insaan par mat nikaalna jo na to us ghusse ka kaaran hai, aur nahi uska haqdaar. . .bas, is ek darqwaast se main aapna yeh lekhan samaapt karti hoon. . .