Maano ki apna hi hai koi doosra roop,

Aur mila jab thi kadi dhoop,

Lekin dikha woh kahi door,

Aur laga ki tha majboor

Par shaayad kismat thi mere saath,

Ki dheere dheere usne thaam liya haath,

Aur di ek aisi muskuraahat,

Ab har jagah hai us hi ki aahat

Kuch toh hai khaas,

Yeh nahi koi maamuli ehsaas,

Log chahe kare mujhe badnaam aur barbaad,

Lekin bandar kya jaane adrak ka swaad!

Nahi dena chahte hum ise koi naam,

Humare maamle se aur kisko kaam,

Jo hai bahut khoobsoorat hai,

Aur hamein iski zaroorat hai :)

Sach kehte hain, zindagi bas aage baddhne ka naam hai :) par yun hi baddhne ka nahi :) apne har lamhe se kuch seekho :) use jiyo :) haso, gaao, muskuraao :) ro lo :) jo dil mein ho, bol daalo :) aakhir zubaan kis liye diya hai Bhagwaan ne :P zindagi bhi dilchasb hai, ek pal lagta hai ki bas ab sab khatam aur waqt ke saath saath har pahaad rai sa lagne lagta hai :) bas mann mein rakhna hai vishwaas aur aage baddhna hai, har kadam rakhna bhaari kyun na lage :) haan koi humdard ho toh baat hi kuch aur hai :) safar kaise katt ta hai pata hi nahi chalta :) aur ek aur baat. . .apne anubhav se keh rahi hoon, koi aap se rishte naate tod bhi de, iska matlab yeh nahi ki aap usse pyaar karna ya uski fiqr karna chhod de :) log agar dard pahunchaaye, toh unhe maaf kardo, chaahe woh aap se kitni bhi nafrat kyun na kare, ya phir aapse behrukhi se pehshaaye. . .apne dil ke darwaaze hameshaa khulle rakhna :) un logon ke liye jo aap ki zindagi se baahar kadam rakh chuke hain aur unke liye bhi jo aapki zindagi mein kadam rakhne ko hain. . . :) kam se kam yeh meri apni zindagi ka usool hai :) aur aisa karne se muhje manotripti milti hai :) bas uske baad zindagi haseein lagti hai :) duniya mein shaayad hi aisa koi zakhm hai jise bhara nahi jaa sakta :) bas thoda sa pyaar, vishwaas, dhher saari hasi aur thaam ne ke liye kam se kam ek haath. . . :)