Kehte hai ki nadi ke do kinaare kabhi nahi milte, isliye ek kinaare se doosre kinaare tak jaane ke liye ya to ek pul ya phir ek naav ki zaroorat hai. . .ek kinaara doosre ko nahi pehchaanta. . . lekin agar nadi hi sookh jaaye to? Kehne ko to nadi kahi logon ke liye faydamant hai, lekin agar woh ganda, apavitr ho? Aur agar naa bhi ho, lekin isse kisi ko koi faydaa na ho to kya phir bhi yeh zaroori hai? Uske sookh jaane se do kinaare mil jaaye, kya isme koi bhaalai nahi?
Log kahenge hi ki niyati ke khilaaf mat jao. . .uske apne kaayde kanoon hai, unki mariyaada to mat laango. . .dono kinaare ek doosre ko roz dekhte hai, phir bhi mil nahi paate. . .bhale hi apne aap mein ek doosre se alag ghut ghut kar rahe, phir bhi, nadi to rahegi aur us hi disha mein bahegi jis disha mein sadiyon se behti aa rahi hai. . .'ulti Ganga mat bahao' kehte hai log, lekin Ganga hi na rahe to? Aasaan to nahi, nadi ek din mein thodi na sookhti hai, sadiyon lag jaate hai, par shuruwaat to kabhi na kabhi karni hogi na. . .aisi ek nahi kahi nadiyaan hai, jinka koi faydaa nahi. . .dheere dheere in sab ko sookhna hoga, taaki kinaare mil jaaye. . .
2 comments:
beautiful...runs deep just like a river...a river that is not still anymore and is not just a platform for other people to exercise their freedom and their rights...:) this river has a mind of her own...this river will decide how she wants her course to be :) freedom, like success begins with one step bum...you are absolutely right...thanks for making me realize this...i had never perceived it this way...:)
is it not perhaps possible that the river that passes through the two shores was a boon... the flow of the river made the great plains, made it inhabitable... on either sides... a natural course, a phenomenon that perhaps reflects life?? which way is it to be perceived??
PS: i suck at hindi.. hope to god i understood the write up.. :) cheers!!
Post a Comment