Bolo parwaane ko ki woh shama se door rahe. . .
Par woh pagla kisi ki kahaan sune. . .
Khud apne pankh jalaakar,
Woh apne dukhon ko bune

Kehte hai daane daane par likha hai
Khaane waale ka naam,
Par yadi daana apna na ho,
To kya koshish karke hon badnaam?

Kisi ka chiraag bujhaakar,
Nahi jalaate khud ka chulhaa
Par agar kisi se bujhe kutiya mein
Hum lagaade ek chhota sa jhula?

Ghode par toh baithke nikal diye,
Par nahi lagaaya us par lagaam
Kisi ne yaad dilaaya tha, phir bhi. . .
Aur diya tha ek pehgaam. . .

Katra katra milkar saagar banaaye,
Toh kyun nahi use pehle hi roka?
Agar saagar na banta toh kar paata kya
Uska kaam ek hawa ka jhonka?

Log pair par kulhaadi maarte hain,
Hum ne toh kulhaadi par pair maari. . .
Karna chaaha tha kuch aur
Aur lut gayi khushiyaan humaari. . .

Jab agan bhujaane ko paani naseeb na hui,
Aur naahi mili thez pawan
To is bewakoof ne madira daala,
Aur agan ka banaa diya hawan. . .

Aur is agan mein jalte hain til til. . .
Majboor hain, karna kya hai. . .
Agar yahi jeena hai doston,
Toh phir marna kya hai?

Karwatte badalte rahe raat pe raat,
Jabte rahe bin anh jal ke maala,
Aur samajh paaye ek roz. . .
Ki kismat par laga tha taala

Ki tei tha us ka banwaas. . .
Tumse aur na battiyaayein. . .
Bas kuch hi thi bhaagyashaali,
Aadi jandh khusi hi paaye. . .