Ek bada khubsoorat peiddh

Aankhein badi kiye dekha upar

Darr tha mann mein, phir bhi

Chaddhna chaaha uspar

Haath thandde paddh gaye,

Par koshish thi jaari. . .

Kaano mein goonji woh awaaz

Aur kadam paddh gaye bhaari. . .

Peiddh par do shaakhaayein,

Kisko aazmaayein?

Kaun si shaakha chaddhein

Kisein apnaayein?

Pehli shaakha par manpasand fal

Par daali thi kamzor. . .

Paana chaaha us fal ko

Par toot sakti thi dor. . .

Doosre par bhi tha ek fal,

Pehle sa nyaara toh nahi,

Par daal thi mazboot,

Shaayad na girta kahi. . .

Kabhi sochein ki ek gire

To nahi karna paddhta chunaav,

Par agar zindagi itni aasaan hoti,

No nahi lagta kabhi bhi ghaav. . .

Is dono ke beech beitthe,

Kar rahe hain intezaar,

Koi maseeha aasmaan se utre. . .

Aur zindagi ka banaaye bahaar