Kahi door ban mein,

Phool, bahaar aur chaman

Aur inke sang base

Do pyaare hiran

Chaar pyaare nayan,

Par nazar sirf ek hi

Ek hi ke nazar se

Doosre ne duniya dekhi

Ek hi dhun baar baar,

Unme se ek gaaye

Doosra sune, muskuraaye,

Aur uski dhun mein samaaye

Kahi ankahee baatein,

Aankhon aankhon mein

Ek ki khusboon mehke,

Doosre ki saanson mein 

Lade, jhagde, khelein,

Piyein ek ghaat ka paani

Ek honhaar, maasoom

Dooja natkhat, mastaani

Yeh haule kashish,

Shaayad rahegi sada

Is kadar baah gayi

Ek ko dooje ki adaa