Maajhi ne diya dono ko haath,
Aur ek chadhi naav par
Doosre ne kiya inkaar
Namak gira uske ghaav par. . .

Baitthi rahi kinaare par,
Muh kholkar madad na maanga
Uski haqdaar nah thi woh,
Na thi woh paavan ganga. . .

Mukaam jo chala jaaye, woh lautt ta nahi
Maajhi naav sang chala gaya. . .
Kharonche the uspar, nazuk thi
Kuch door insaan woh bhala gaya

Bane mitti ke toh kaahe ko
Lohe ke kawaj se ise mal,
Ye tera naav nahi pyaare,
Na kar khud hi se yeh chhal. . .

Langdaate hue chadhi kinaare par,
Aur dekha udhar se nazariya. . .
Woh us naav par khush thi
Aur sang tha US ka saawariya. . .

Mooh modkar aage badhi,
Par kuch chhoot gaya tha. . .
Aur phir ek baar us se
Uska kismat rooth gaya tha. . .

Vidhaata ke har kasauti par khari utari,
Par ab bhi baaki thi uski pareeksha. . .
Naak ragad ragad ke chalna tha. . .
Anant thi uski prateeksha. . .

Keechad mein bhale khile kamal,
Par keechad uska haqdaar nahi. . .
Bhale ho yeh uska manpasand phool,
Par yeh uska bahaar nahi. . .

Is pagli ka koi jawaab nahi. . .
Baar baar khaati wahi thhokar,
Woh nahi tha uska naav,
Bas guzra, uske rooh se hokar. . .