Jaane kitni door woh bhaag rahi. . .

Peeche mud kar dekhna na tha sahi. . .

Aur na jaa sakti thi baainyi ya daayi

Ek or tha kuaan, doosri or khaai

Sir bina mudaaye seedhe chali,

Haath mein liye ek nazook si kali

Dene ke liye har baar sirf ek cheez

Jo kisi ko na laga lazeez

Girke sambhalna, sambhalkar phir girna,

Maano har bar tha ek naya jharna

Mann is hi baat par jhool raha tha,

Aur saath mein saans fool raha tha

Apni haalaat par ek gaane ke do bol yaad aaye use. . .

'Manzilon se rahein dhoondti chali

Kho gayi hai manzil kahi raahon mein'. . . :)