Mann bhi tha nazuk, baawla,
Aur kismat bhi tha kuch saawla
Baar baar dhoondta wahi chehraa. . .
Par uske chaaro or tha pehraa

Jaagti ummeed toh dil jaata machal,
Aur phir use koi jaata kuchal. . .
Kabhi zakhm par daalte marham,
Par kabhi woh khud hi ban jaata ek bhram

Jannat ki maang ki toh mitti bhi naseeb na hua. . .
Khushiyon ki ameeri, phir bhi dukh ka gareeb na hua
Lavzon se toh uff tak na kiya
Socha par yeh ki main jiya ya na jiya?

Parwat ki choti dekhi, aur khaai ki gehraai bhi,
Yaar ka pyaar dekha aur sanam ki bewafaai bhi
Aasmaan mein aazaad shaayad hi parinda hoon,
Par zinda hoon, zinda hoon, zinda hoon. . . :)